Die Legkaart deur Lijlanie Voljoen
Vir die agterblad – opsomming oor die boek
Die Legkaart is ‘n unieke, aangrypende, lewensgetroue verhaal van die skrywer se innigste
belewenis van hoop, geestelike stryd en brandende liefde as dogter, ousus en intersessor ten tye
van die eerste twee, van drie geweldige aanslae op haar pa se lewe, terwyl pa en dogter van mekaar
geskei is deur twee oseane en duisende kilometers.
SUID AFRIKAANSE SKRYWER IN NIEU-SEELAND
In 2019 word Lijlanie se pa met Fase 4 prostaatkanker gediagnoseer. Die gesin is dit onmiddelik
eens: hierdie is ‘n geestelike, baie meer as ‘n fisiese oorlog wat gewen moet word. Die skrywer vertel
die verhaal van die gesin se lief en leed en hoe hulle, ten spyte van die uitdagings van immigrasie,
deur middel van die kragtige beginsels van geestelike oorlogvoering hierdie berg uitklim. Die leser
word ingetrek deur kosbare kleintyd-verhale, die toutrek-verhouding tussen pa en dogter, die
onbreekbare band tussen susters en die immer teenwoordige Stem uit die Ewigheid. Menige
immigrant, pa, dogter en enigeen wie deur die trauma van kanker of immigrasie moes worstel, sal by
die verhaal aanklank kan vind.
